JEJELÁAS T’AANO’OB YAAN ICHIL MAAYÁAT’AN (PRÁCTICAS DEL LENGUAJE)

Tene’ in k’aaba’e, Gilberto Reynaldo Canul Colli, teen u ajkansa’aji’ le much' talil  yuuya.

Le xook ken k beet bejla’a u k’aba’ej: jejeláas t’aano’ob yaan ichil maayáat’an (prácticas del lenguaje); yaan  k  tsikbatik  máakalmáak u jejeláasil t’a ano´ob a k’aj óole’ex   je’exoób:

1. tso’olxikin
2. mukult’aan
3. tse’ek
4. tsikbal, yéetel uláak’o’ob.

Ti’al  a táakpajale’ex  ti’  le meyaja’, yáaxe’ yaan  a wa’alike’ex  a k’aaba’ex, chéen u ts’o’okole’  ka  ts’íibtike’ex  a tuukule’ex  yóok’olal le jejeláas  t’aano’obo’; tu ka’atéen ken táakpajake’exe’  yaan  a xokike’ex  yéetel  a wa’alike’ex ba’ax  ka  tukultike’ex  yóok’olal  u tuukul  juntúul  a wéet xooke’ex , tu oxtéene’  yaan  a xokike’ex  u  tuukul  tu láakal  a wéet  xooko’obo’  chéen  u  ts’o’ole’   ka  wa’alike’ex  ba’ax  ta kanaje’ex  ichil  le múuch’tsikbalaj.

Táan  in  pa’atike’ex  ka’  ts’ibnake’ex  yóok’olal  mu’uk’a’ankunsik le k  maayáat’aana’,  ma’  sajaktale’ex.

ts'ibnajil: Gilberto R. Canul Collí

Read More

K’AAM YÉETEL UTS (BIENVENIDOS)

Ajka’ansaje’ex  yéetel ixka’ansaje’ex  masewáal  xooko’ob:

Kin  k’amike’ex  yéetel  ki’imak  óolal ti’ u: “Kaambal   maayat’aan    ka’ansajo’ob  masewáal  xooko’ob”.

Kin  k’ubentikte’exe’  ka  a  lep’   ti’  a  wóole’ex  le múuch’kaambala’,  tumen in woojel je’el u yáantike’ex  ti’al  a kanike’ex  wa a mu’uk’ankunsik  a t’aane’x, ts’íibe’ex  wa  a na’atike’ex  maayat’aan  beyxan  a ch’a’anu’uktike’ex  bix unaj  a ka’ansike’ex  mejen maayáaj  xooko’ob.

Kin níib  óoltike’ex takpaje’ex ti le meyaja’   tumen tuláakal túumben ba’al  ku  kanik juntúul   ajka’ansaje’   yaan u  xíitil   ti’  u kambal xoknáalo’ob.

Ajka’ansaj: Maria Elda Rebeca Miss Barrera

U Jo’ol Póopil  Masewáal Ka’ansaj

TRADUCCIÓN:

Maestras y maestros de educación indígena:

Les doy la más cordial bienvenida al “Diplomado en Lengua Maya a Maestros de Educación Básica e Inicial Indígena”.

Les pido encarecidamente que pongan todo su empeño, responsabilidad e interés en éste diplomado, porque estoy convencida de que les va a permitir desarrollar y/o fortalecer sus competencias lingüísticas en lengua maya y como docentes de Educación Indígena.

Agradezco su participación en éste espacio, porque la formación del docente debe reflejarse en el aprendizaje de sus alumnos.

Lic. María Elda Rebeca Miss Barrera

Jefa del Departamento de Educación Indígena

Read More