XTAABAY
Chéen túun junteenake' much'lajo'on tsikbal tu chi'inajil ko'olebil xConcepción le tu k'iimbesa'al u k'aabao'o. Ichil to'one' tia'anjil juntúul chan ch'ija'an máak u k'aaba' yum jToono Huchín. Ichil tsikbal úuchpaje' leti'e' tu tsikbataj to'one uch junp'éel k'in tu tankele'enile', jóok' xinximbal k'iiwik. ti' tu naktaantaj u láak u yéet máakilo'obi', ka' túun bino'ob káalta.
máan le k'iino' ka'aj a'abichaj ti'o'ob. ma' tu k'a'ajtal ti' bix luk'ik ti' tu kúuchil le kaaltalo'.
Ku tsikbaltike', ka' bin k'uch tu'ux ku tuklik u yootoche' ka' chilaj tu k'aan, ch´´en le ku yóoltik u meentike', ka' bin tu ilaj u okoj juntúul ki'ichpan ch'úupal, ku a'aliktibine' -ko'ox cha'an óok'ot k'iiwik, taalen in ch'a' ech, in k'áat ka óok'otnako'on ti' le áak'aba'. Bey túuno' ku tsikbaltik le yum jToono ka'a bin xan tu pach macha'ank'aabi yéetel le ki'ichpan ch'uupalo'.
Ma' tu ojelta u láak' ba'ali', chéen ka' sáasjile' ka' aaji ka tu ilaje' ich k'i'ixilo'ob u kool yaan ma' tu ojeltaj bix páajchal u k'uchuli' mix bix okik ichi le k'i'ixo'obo', ku tukultik túune' Xtabay bisej. kex túun beyo' leyli u káaltale' ma' tu sajaktal tumen ku a'alik beya' - Jach ki'ichpan le xTaabayo'.ts'íibnaj: GILBERTO REYNALDO CANUL COLLI
LA XTABAY
En cierta ocasión nos reunimos a platicar en la cancha del Barrio de La Concepción, en dlos días que se celebra las fiestas en su nombre, entre nosotros se encontraba un señor de avanzada edad, llamado Don Tono, entre las pláticas que se dieron, él nos contó que en cierta ocasión, cuando era joven, dicidió salir a pasear en la plaza del pueblo, ahí se encontró con otros jóvenes e su edad y decidieron entrar a una cantina a tomar. la noche llegó y él no supo como salió de la cantina ni como llegó a lo quen el pensaba que era su casa. Cuando decidía acostarse a descansar observó que una hermosa mujer entraba por su puerta y le decía - Vamos a la fiesta vine por tí, quiero que vayamos a bailar, él aceptó y decidió tomarla de la mano para ir a bailar. No supo más, cuando amaneció se dio cuenta que estaba en su milpa entre espinos y no se explicaba cómo habia podido llegar hasta ahí. El piensa que fue la xTabay.. aun así el sigue tomando y dice no tener miedo porque dice que la Xtabay es una mujer muy bonita.
AUTOR. GILBERTO REYNALDO CANUL COLLI
0 comentarios:
Publicar un comentario